शंखरापुर-२ को अध्यक्ष उम्मेदवारमा नेपाली कांग्रेसका रनबहादुर तामाङको नाम सिफारिस

कपन अनलाइन

काठमाण्डौ , चैत्र २३।

नेपाली  कांग्रेसले शंखरापुर नगरपालिका वडा नं  २ को वडा अध्यक्ष पदमा   रनबहादुर तामाङको नाम सर्वसम्मत  सिफारिस गरेको छ।

वडा कार्यसमितिले तामाङलाई आउँदो वैशाख ३० गते हुने चुनावका लागि अध्यक्ष पदमा उठाउने सर्वसहमत निर्णय गरेर नगर कार्यसमितिमा पठाएको हो।

तामाङ समुदायको बाहुल्यता रहेको शंखरापुर नगरपालिका वडा नं  २मा जित्ने गरी आफूहरुले तामाङलाई अघि सारेको नेता पुरुषोत्तम चौलागाईंले जानकारी दिएका छन ।

अघिल्लो चुनावमा  माओवादीबाट वडा सदस्यको उम्मेदवार बनेका तामाङ  एक वर्षअघि कांग्रेस प्रवेश गरेका। उनी नेपाली कांग्रेस  शंखरापुर  नगर समिती  सचिव समेत रहेका छन्।