बुढानिलकण्ठमा बन्ने बाल अस्पताललाई सांसद दिव्यमणि राजभण्डारी परिवारको सहयोग
कपन अनलाइन
काठमाडौं ,मंसिर १८।
बुढानिलकण्ठ नगरपालिका निवासी सांसद दिब्यमणी राजभण्डारीको परिवारले खुल्ने तयारीमा रहेको गैरनाफामूलक बालअस्पताललाई आर्थिक सहयोग गरेको छ ।
राजभण्डारीको परिवारले डा. भगवान कोइरालाको नेतृत्वमा खुल्ने तयारीमा रहेको ‘काठमाडौ इन्स्टिच्युट अफ चाइल्ड हेल्थ’लाई पाँचलाख सहयोग प्रदान गरेको हो ।
सांसद राजभण्डारीकी आमा टंक कुमारी राजभण्डारीको ८९ जन्मोत्सवका अवसरमा आमाकै इच्छामा बालअस्पताललाई सहयोग गरिएको परिवार श्रोतले जानकारी दिएको छ ।
काठमाडौं क्षेत्र नम्बर ४ मा रहेको बुढानिलकण्ठ नगरपालिका निवासी सांसद राजभण्डारीको निवासमै आमा टंक कुमारीले डा. भगवान कोइरालालाई चेक हस्तान्त्ररण गरेकी थिइन् ।
सांसद भण्डारीका छोरा सिदार्थ मणि राजभण्डारीले संचालन गरेको एनसीइसी ग्रुपको तर्फबाट २ लाख र परिवारको तर्फबाट ३ लाख समेत गरि वाल अस्पताललाई ५ लाख उपलब्ध गराइएको हो ।
वालअस्पतालको तर्फबाट रकम ग्रहण गर्दै बरिष्ठ मुटु रोग बिशेषज्ञ तथा अस्पतालका अध्यक्ष भगवान कोइरालाले सहयोगी हातहरुलाई धन्यवाद दिंदै अस्पतालको सुरुवाती काममा यस रकमले सहयोग पुग्ने बिश्वास ब्यक्त गरेका थिए । २०२२ सम्ममा गैरनाफामुलक गुणस्तरीय १०० सैयाको वालअपस्ताल काठमाडौमा बनाउने लक्ष्यका साथ डा. कोइराला र उनको टिम खटिरहेको छ ।फोटो सौजन्य :हाम्राकुरा
