कपन कांग्रेसले विद्यार्थी तथा खेलकुद समिति बनायो

कपन अनलाइन बद्रि भट्टराई

चुनाव केन्द्रित राजनीतिमा सक्रिय दलहरु आआफ्ना भातृ तथा सुभेच्छुक संगठनहरुको इकाइ गठनमा सक्रिय रहेका छन् । नेपाली कांग्रेस कपन इकाइले आफ्ना भातृ तथा सुभेच्छुक संगठनका इकाइहरु गठन प्रकृया सकेको छ । लामो समयदेखि गठन गर्ने भनेर पनि ढिला भइरहेको विद्यार्थी तथा खेलकुद समितिको गठनसँगै कपनमा कांग्रेसको सबै भातृ इकाइ समितिहरु गठन सकिएको छ । कपनमा बसोबास गर्न युवाहरुको एक विशेष भेलाले गठन गरेको नेविसंघ कपन इकाई संयोजकमा सुशान्त लामा(चाहना कलेज) रहेका छन् । त्यस्तै उपसंयोजक रश्मी कुइँकेल(बालउद्धार उमावि), सचिव खिका तिमिल्सिना(पशुपति बहुमुखी क्याम्पस), सदस्यहरुमा विनोद वाग्ले(त्रिचन्द्र कलेज), मनोज दाहाल(शंकरदेव कलेज), शंकर थापा(नेपाल इन्जिनियरिङ कलेज) र सागर कार्की(थापाथली इन्जिनियरिङ कलेज) लगायतका व्यक्तिहरु रहेका छन् ।
त्यसैगरी खेलकुद समिति सुवास न्यौपाने(फुटबल खेलाडी) संयोजकत्व बनेको छ । यस समितिका सदस्यहरुमा ङिमारिन्जि शेर्पा(ह्याण्डबल राष्ट्रिय खेलाडी), उदय बोगटी(ह्याण्डबल राष्ट्रिय खेलाडी), किरणजंग कार्की(बास्केटबल खेलाडी), दावा तामाङ(कराँते राष्ट्रिय खेलाडी) लगायतका व्यक्तिहरु रहेका छन् ।
नेपाली कांग्रेस कपन इकाइअन्तर्गतको विद्यार्थी तथा खेलकुद बिभागका संयोजक राजुबिक्रम थापाको सक्रियतामा बनेको यी दुई समितिलाई नेपाली कांग्रेस कपन इकाइका सभापति विनोद चालिसेले शुभकामना दिएका थिए । यी दुवै समितिलाई चाँडैनै एक भव्य औपचारिक कार्यक्रम आयोजना गरी सार्वजनिक गरिने योजना रहेको विद्यार्थी तथा खेलकुद विभागका संयोजक राजुविक्रम थापाले कपन अनलाइनलाई बताए ।