गजल : लीलाराज दाहाल
कपन अनलाइन
काठमाण्डौ ,माघ २८ ।
पिरतीको डोरी बाट्न सिकाएकै तिमीले हो
प्रेम सभामा भाषण छाँट्न सिकाएकै तिमीले हो !
एक्लै एक्लै यात्रा गर्थें जिन्दगीको राजमार्गमा
सँगसँगै बाटो काट्न सिकाएकै तिमीले हो !
नदेखेको जस्तो गरी आँखा छोप्थ्यौ पछिबाट
सम्झनाको रुमाल साट्न सिकाएकै तिमीले हो !
पुगिसकें तिमीबाट धेरै धेरै टाढा आज
प्यार गर्छु भन्दै ढाँट्न सिकाएकै तिमीले हो !
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
