सरस्वती पुजाको अवसरमा त्रिज्योति मावी बुढानिलकण्ठ-१२ का विद्यार्थीहरुको प्रतिभा प्रस्तुतीकरण

कपन अनलाइन

काठमाण्डौ ,माघ १२।

श्रीपंचमीको अवसरमा त्रिज्योति मावी बुढानिलकण्ठ -१२ का विद्यार्थीहरुको प्रतिभा प्रस्तुतीकरण गरेका छन।  सरस्वति पुजाको अवसरमा विद्यालय प्राङ्गणमा भएको कार्यक्रममा विद्यालयका विद्यार्थीहरुले विभिन्न प्रस्तुति दिएका थिए।

शिक्षाविद प्राडा विद्यानाथ कोइरालाको प्रमुख आतिथ्यतामा भएको प्रतिभा प्रस्तुतीकरण कार्यक्रममा विद्यालयका अध्यक्ष केशव प्रसाद दंगालले अध्यक्षता गरेका थिए।

विद्यालय संचालक समितिकी अध्यक्ष ज्ञानु राणा,बुढानिलकण्ठ नगरपालिका वडा नं १२ का अध्यक्ष शम्भुप्रसाद भट्टराई ,सदस्य तथा नगर कार्यपालिका सदस्य शान्ता ढकाल पुडासैनी,नेपाली कांग्रेसका नेता विनोद चालिसे, समाजसेवी ताराप्रसाद देवान लगायतको उपस्थितिमा भएको कार्यक्रममा विभिन्न कलाकारहरुले पनि आफ्नो प्रस्तुति दिएका थिए।

साढे दुई दशक भन्दा बढी समयदेखी शैक्षिक सेवा प्रदान गर्दै आएको त्रिज्योति मावीले नियमित पठन पाठन संगै विद्यार्थीहरुको प्रतिभा र सृजनात्मक क्षमता विकासका लागि जोड दिएको बताउदै प्रिन्सिपल गणेश कुमार मिश्रले आगामी दिनमा थप कार्यक्रमहरु ल्याउने जानकारी दिएका छन।