मनिषाले भनिन : आत्रेय कोइरालाबाट नयाँ आशा छ

कपन अनलाइन

काठमाण्डौ ,पौष ३०।

पूर्वप्रधानमन्त्री मातृका प्रसाद कोइरालाका पनाति आत्रेय कोइरालाले मुलुकको स्वास्थ्य तथा शिक्षा क्षेत्रमा सेवा गर्ने उद्देश्यका साथ ‘नयाँ उज्यालो फाउण्डेशन’ स्थापना गरि काम अगाडी बढाएका छन् । आज (शुक्रबार) रिपोर्टर्स क्लब नेपालमा पत्रकार सम्मेलनको आयोजना गर्दै संस्थाको विधिवत रुपमा उद्घाटन गरिएको हो ।
प्रमुख अथिति अभिनेत्री मनिषा कोइरालाले आफूबाहेक अरुको बारेमा पनि सोच्ने समाज विकास हुँदै गएको बताइन् । उनले नयाँ पुस्ताले नयाँ आशाहरु देखाएको बताइन् । उनले भनिन्,‘अबको पुस्ताले आफूबाहेक अरुको बारेमा पनि सोच्नथालेको छ, समाज र देशमा नयाँ आशा विकास भएको छ ।’
नयाँ उज्यालो फाउण्डेशनका अध्यक्ष आत्रेय कोइरालाको प्रशंशा गर्दै समाजमा अरुको बारेमा सोच्ने भावना विकास गर्दै अगाडि बढेको बताइन् । सानै उमेरमा आत्रेय समाजसेवामा लागेकोमा गर्व महसुस भएको बताइन् । ‘उसको सोच र काम कस्तो राम्रो । यो उमेरमा केटाकेटीहरु खेल्छन् र आफ्नो करियरको बारेमा सोच्ने गर्छन् । तर, उसले एउटा होप देखाएको छ कि अब आउने पुस्ताले आफूबाहेक अरुको बारेमा पनि सोच्नेछ ।’ किशोरावस्थामै आत्रेयले गरेको कामलाई प्रोत्साहन गर्नुपर्ने बताइन् ।