कपन अनलाइन

काठमाण्डौ ,मंसिर २५ ।

रिलायन्स इन्टरनेसनल एकेडेमीको वक्तृत्वकला तथा साहित्यकार सम्मान कार्यक्रम सम्पन्न भएको छ । बुढानिलकण्ठ नगरपालिका वडा नं १० मा रहेको विद्यालयमा आयोजित कार्यक्रममा साहित्यकार मित्रलाल पंज्ञानी र बलराम दाहाललाई सम्मान गरिएको थियो।

रिलायन्स इन्टरनेसनल एकेडेमीले हरेक वर्ष आयोजना गर्दै आएको सो कार्यक्रममा विभिन्न स्रस्टाहरुले कविता बाचन गरेका थिए भने  २१ वटा विद्यालयहरुका विद्यार्थीहरुले १२ उपत्यकाब्यापी अन्तर विद्यालय वक्तृत्वकला प्रतियोगीतामा भाग लिएका थिए।

सो प्रतियोगितामा टाईम लाईन स्कुलकी छात्रा प्रसन्ना पुडासैनी प्रथम, घटराज मेमोरियल स्कुलकी छात्रा कृति पोखरेल द्वितीय र गोकर्णेश्वर लाईट एकेडेमीकि छात्रा सुजाता चालिसे तृतीय पुरस्कार जित्न सफल भएको नेपाली विभागका विभागीय प्रमुख श्रीधर प्रसाद पौडेलले जानकारी दिएका छन।

त्यस्तै  साईपल एकेडेमीकी छात्रा विश्वकला नेपाल र दीक्षालय नेपालकी छात्रा कृष्मा भारतीले सान्त्वना पुरस्कार प्राप्त गरेको बताउदै पौडेलले उक्त अवसरमा स्रष्टालाइ नगद, सम्मानपत्र एवम् दाेसल्ला ओढाएर सम्मान गरिएको बताए।फोटो सौजन्य : काठमाण्डौ खबर