भाग्योदय क्याम्पस शंखरापुर नगरपालिका बाट संचालन गर्नको लागि बनाइएको कार्यदलले प्रतिबेदन बुझायो

कपन अनलाइन

 कपन, असार ३।शंखरापुर नगरपालिकामा रहेको भाग्योदय क्याम्पस नगरपालिका बाट संचालन गर्नको लागि बनाइएको कार्यदलले  नगरपालिकालाइ प्रतिबेदन बुझाएको छ ।

जेठ, ३० गते उक्त कार्यदलका संयोजक गोपाल क्रिष्ण श्रेष्ठ ,सदस्यहरु क्याम्पसका निवर्तमान.अध्यक्ष दुर्गा प्रसाद मल्ल,क्याम्पसका संचालक समितिका सदस्य द्वय सुमन मेहर श्रेष्ठ र मदन गोपाल श्रेष्ठ एंब नगरपालिकाका शिक्षा प्रमुख बौधराज निरौला सम्मिलित ५ जनाको  समितिबाट  प्रतिबेदन नगर प्रमुख सुवर्ण श्रेष्ठलाइ बुझाएका हुन् ।

सो प्रतिबेदन हस्तान्तरण कार्यक्रममा नगर प्रमुख सुवर्ण श्रेष्ठ,उप प्रमुख शुक्र लक्ष्मी श्रेष्ठ लगायतको उपस्थिति रहेको थियो। उक्त प्रतिबेदन बुझ्दै नगर प्रमुख सुवर्ण श्रेष्ठले प्रतिबेदन अध्ययन गरि क्याम्पस र नगरपालिकाबाट गर्नु पर्ने कार्य तत्काल अघि बढाउने कुरामा बिश्वास दिलाएका थिए ।