त्रिज्योति मावी बुढानिलकण्ठ -१२ को २५ औ अविभावक दिवस सम्पन्न

कपन अनलाइन

काठमाडौं ,फागुन १७।

त्रिज्योति मावी बुढानिलकण्ठ -१२ को २५ औ अविभावक दिवस सम्पन्न भएको छ।

विद्यालय व्यवस्थापन समितिका अध्यक्ष केशव दंगालको अध्यक्षतार संङ्घिय सभा सांसद गगन कुमार थापाको प्रमुख आतिथ्यतामा उद्घाटन भएको सो कार्यक्रममा प्रदेश सभा सदस्य कुसुम कुमार कार्की, प्रदेश सभा माननीय न्युछेनारायण श्रेष्ठ, साबिक कपन गाबिसका गाविस अध्यक्ष मिठाराम अधिकारी, बुनपा १२ का वडा अध्यक्ष शम्भु भट्टराई , बुनपा ११ का वडा अध्यक्ष राजु अधिकारी, बुनपा १० का वडा अध्यक्ष नवराज भट्टराई,नगर कार्यपालिका सदस्य संगम गहतराज ,शान्ता ढकाल ,  कपन बहुमुखी क्याम्पस अध्यक्ष कुमार ओझ,नेविसंघका महामन्त्री बल्देव तिम्लसिना, अभिभावक, सन्चारकर्मी, विद्यार्थी, लगायतको उपस्थिति रहेको थियो।

उक्त अभिभावक दिवसको अबसर पारेर त्रि ज्योतिले पुर्व विद्यार्थी राजकुमार कार्की , प्रा.सि विष्णुप्रसाद पन्त, समाजसेवी वसन्त कार्कि , समाजसेवी रामकृष्ण केसी,वडा अध्यक्ष तथा समाजसेवी शम्भु प्रसाद भट्टराई र विभिन्न विधामा विद्यालयले आयोजना गरेको प्रतियोगितामा पुरस्कृत विद्यार्थीलाई पुरस्कार वितरण तथा सम्मान गरिएको थियो।

कार्यक्रमका प्रमुख अतिथी सांसद गगन कुमार थापाले विद्यार्थी अहिलेका साझेदार र भविस्यका कर्णधार हुन भन्दै विद्यार्थीको भविष्यको खाका कोर्ने महत्त्वपूर्ण भुमिका अभिभाबको रहेको भन्दै विद्यार्थीलाई शैक्षिक क्षेत्रबाट बन्चित नगराउन आग्रह गर्दै कार्यक्रम सफलताको शुभकामना व्यक्त गरेका थिए।

उक्त कार्यक्रमका अध्यक्ष तथा विद्यालय व्यवस्थापन समितिका अध्यक्ष दंगालले बिधार्थीको हक हितका निमित्त विद्यालय परिवारले शैक्षिक क्षेत्रमा सकारात्मक ढङ्गबाट अगाडि बढ्ने बाचाका साथ सो कार्यक्रमको समापन गरेका थिए।