एमाले उम्मेदवार निर्मल कुइँकेलको गाडीमा आगजनी

काठमाडौं– काठमाडौं ४ का एमाले उम्मेदवार निर्मल कुइँकेलको चुनावी प्रचारमा प्रयोग भएको गाडी शनिबार आगजनी भएको छ। चालक गाडी रोकेर खाना खान गएका बेला शुक्रबार बेलुका मैतीदेवीमा अज्ञात समूहले बा३च ५२५४ नम्बरको गाडी आगजनी गरेको हो। गाडी क्षतिग्रस्त भएको छ, आगोलगाउने समूहको पहिचान हुन सकेको छैन।

नेकपा एमाले काठमाडौँ क्षेत्रनम्बर ४ प्रचार प्रसार समितिले घटनाको निन्दा गर्दै सम्वन्धित पक्षसंग दोषीमाथि कारवाहीको माग गरेको छ ।

निर्वाचनमा सहभागी उम्मेदवारको गाडी निशाना बनाइन थालेपछि प्रहरीले उम्मेदवार र सहयोगीलाई जहाँ पायो, त्यहाँ गाडी नछाड्न, सुरक्षित स्थानमा पार्किङ गर्न र प्रहरीलाई जानकारी दिन आग्रह गरेको छ ।

मैतीदेवी घटना अनुसन्धान गर्न चालकलाई नियन्त्रणमा लिइएको प्रहरी ले जनाएको छ ।