दीपक अधिकारीको नेतृत्वमा कपन जेसीसको नयाँ कार्यसमिति

कपन अनलाइन, काठमाडौँ । कपन जेसीजले दीपक अधिकारीको नेतृत्वमा आउँदो १ वर्षका लागि नयाँ कार्यसमिति चयन गरेको छ ।   । कपन जेसिजले आज  २०१७ का लागि अधिकारीसहित नयाँ कार्य समिति निर्माण गरेको हो । आज कपनस्थित जोसेफ हाइस्कूलमा भएको कार्यक्रममा स्वास्थ्य मन्त्री गगन थापाले कपन जेसीसको छैठौँ वार्षिकोत्सव कार्यक्रमको उद्घाटन गरे ।

कपन जेसीसले वार्षिकोत्सव तथा सम्मान कार्यक्रम गर्ने क्रममा राष्ट्रिय फुटबल टिमका सदस्य बिशाल श्रेष्ठ र अधिवत्ता सुजन लोप्चनलाई सम्मान गरेको थियो । कार्यक्रममा वरिष्ठ मानवाधिकारवादी तथा पूर्व एम्नेस्टी इन्टरनेशनल नेपाल अध्यक्ष सूर्यबहादुर अधिकारीसहित नेपाल जेसीजका वरिष्ठ व्यक्तित्वहरुको उपस्थिति थियो ।

सामाजिक कार्यका लागि विश्वमै चिनिएको जेसिजले नेपालमा ०११ सालदेखि बिभिन्न कामहरु गर्दै आइरहेको क्रममा कपन जेसीजले महत्वपूर्ण सामाजिक कार्यहरु गर्दै आएको कार्यक्रममा सहभागिहरुले बताए । कार्यक्रममा प्रमुख अतिथि गगन थापाले जेसिजले सामाजिक समस्याका विषयमा काम गर्न पर्ने बताउँदै आफू सदैव जेसीजसँगै रहेको बताए । कार्यक्रमलाई निवर्तमान कपन जेसीज अध्यक्ष मनोज अधिकारीसहित बिभिन्न जेसीजसँग सम्बन्धित व्यक्तिहरुले सम्बोधन गरेका थिए ।

कार्यक्रमका केही फोटाहरू:-