चारु : अरुण कुमार (कविता )

कपन अनलाइन

काठमाण्डौ ,फागुन १०।

अभ्यास कुसंस्कार र कुरीतिहरू ढालिदेऊ साथी
रूढिवादी सोचहरू पनि फालिदेऊ साथी ।

अझै पनि अँध्यारो छ कतिपय गाउँहरू
त्यहाँ शिक्षाको ज्योती बालिदेऊ साथी ।

चुहिने छानो र भत्केको भित्तो छ त्यहाँ
सकिन्छ सहयोग गरेर टालिदेऊ साथी ।

वृद्धाश्रममा प्रौढहरू अति दुखित छन्
कसै एकलाई अँगाली पालिदेऊ साथी ।

धेरै हिँड्यौ उही बाटो अनि पुरानो पाटो
अब त केही नयाँ कदम चालिदेऊ साथी ।

सहकार्य : कपन बानेश्वर साहित्यिक साप्ताहिक