दुई मुक्तक : दीपा शाही रावत

जिन्दगीको सुन्दर साथ भनेको केवल भैदियो सिरानी
अँध्यारो रातमा उज्यालो मनले खोज्छ उसैको जवानी
जीवनका उकालो ओरालोहरूसँग पनि सामना गरियो
कैयौँ रात तर उसैको यादमा बितेर गए आएन बेइमानी ।

दिल खाली छ कसरी भनौँ तिमीसँगै नजर चार भएपछि
आँसुको समुन्द्रबाट सहजै तारिदिने तिमी नै यार भएपछि
अन्योलताको सँघारमा टेकेर दिन र रातहरू बिताउँदै गर्दा
निरास र हतास जिन्दगीको तिमीबाट नै उद्धार भएपछि ।

सहकार्य : कपन बानेश्वर साहित्यिक साप्ताहिक