न्यु मिलेनियम एकेडेमी बुढानिलकण्ठ-११ को प्रथम अभिभावक दिवस सम्पन्न
कपन अनलाइन
काठमाण्डौ, चैत ४।
बुढानिलकण्ठ नगरपालिका वडा नम्बर ११ मा रहेको न्यु मिलेनियम एकेडेमीको प्रथम अभिभावक दिवस कार्यक्रम सम्पन्न भएको छ ।
बुढानिलकण्ठ नगरपालिकाका नगरपमुख मिठाराम अधिकारीको प्रमुख अतिथ्यता भएको सो कार्यक्रममा विद्यार्थीहरूद्वारा विभिन्न सांस्कृतिक कार्यक्रमहरू सञ्चालन गरिएको थियो।
लामो समयदेखि उच्च शिक्षा प्रदान गर्दै आएको न्यु मिलेनियम कलेजको विद्यालय एकाइका रुपमा रहेको सो विद्यालयले आउँदा दिनहरूमा समेत विद्यालयमा क्रियाशील भई उपस्थिति जनाइदिनका अभिभावकहरुलाई अनुरोध गर्दै प्रधानाध्यापक राजेन्द्र रिजालले उपस्थित सबैलाई धन्यावद ज्ञापन समेत गरेका थिए।
कार्यक्रममा विद्यालयका विद्यार्थीहरूद्वारा कसरी विद्यालय समृद्ध बनाउन सकिन्छ भन्ने सोच्नुपर्ने बताउदै नगरपमुख अधिकारीले विद्यालयको प्रथम अभिभावक दिवस भएकाले आउँदो दिनहरूमा समेत यसैगरी अभिभावक दिवस सफलतापूर्वक गर्न पाइयोस् भन्ने शुभकामना व्यक्त गरेका थिए।
विद्यालयका प्रधानाध्यापकद्वारा स्वागत मन्तव्य राखिएको यस उक्त कार्यक्रममा विभिन्न विद्यालयका प्रशिक्षकहरूको समेत उपस्थिति रहेको थियो।
