जुगल नव गुरुकुलको रजत जयन्ति तथा “जुगल दर्पण” लोकार्पण समारोह सम्पन्न
कपन अनलाइन
काठमाण्डौ, चैत ४।
बुढानिलकण्ठ नगरपालिका वडा नं १० मा रहेको जुगल नव गुरुकुल विधालयले स्थापनाको रजत जयन्ति मनाएको छ।
बुढानिलकण्ठ नगरपालिकाका प्रमुख मिठाराम अधिकारीको प्रमुख आतिथ्यतामा भएको सो कार्यक्रममा “जुगल दर्पण” स्मारिका पनि लोकार्पण गरिएको थियो।
विद्यालय संचालक समितीका अध्यक्ष डोर प्रसाद आचार्यको अध्यक्षतामा भएको सो समारोहमा समाजका विभिन्न क्षेत्रमा योगदान पुर्याएका विभिन्न व्यक्तित्वहरुलाई सम्मान समेत गरिएको थियो।
सो अवसरमा बरिष्ठ हास्य कलाकार जितु नेपाल, डा. विष्णु केसी,अशोक राज पाण्डे लगायतलाई सम्मान गरिएको थियो भने विद्यालयका विविध पक्षहरु र भावी योजनाका वारेमा पनि जानकारी गराइएको थियो।
विद्यालयका विद्यार्थीहरुको रचनात्मक सांस्कृतिक प्रस्तुतिहरु रहेको सो समारोहमा बुढानिलकण्ठ नगरपालिका वडा नं १० का अध्यक्ष तथा प्रवक्ता नवराज भट्टराई,वडा नं १२ का अध्यक्ष शम्भु प्रसाद भट्टराई,बरिष्ठ साहित्यकार रामप्रसाद ज्ञवाली सहित विभिन्न विद्यालयका प्रधानाध्यापक , क्याम्पसका संचालकहरु सहित अभिभावकहरुको बाक्लो उपस्थिति रहेको प्रिन्सिपल रुपक लामिछानेले जानकारी दिएका छन।
