गोकर्णेश्वर -३ मा ज्येष्ठ नागरिकहरुको दृष्टि परिक्षण तथा निःशुल्क चस्मा वितरण कार्यक्रम सम्पन्न
कपन अनलाइन
काठमाडौं पौष २१। गोकर्णेश्वर नगरपालिका वडा नं. ३ मा ज्येष्ठ नागरिकहरुको दृष्टि परिक्षण तथा निःशुल्क चस्मा वितरण कार्यक्रम सम्पन्न भएको छ । बुधबार गोकर्णेश्वर नगरपालिका र सशक्तीकरण अवसरको सहकार्यमा ६० वर्ष माथिका ज्येष्ठ नागरिक वडा बासीहरुलाई वडा कार्यलय मा दृष्टि परिक्षण तथा निःशुल्क चस्मा वितरण कार्यक्रम सम्पन्न भएको हो ।
उक्त कार्यक्रममा वडा अध्यक्ष मुरारी प्रसाद कुइकेल वडा सदस्यहरु लक्ष्मी भण्डारी, बुद्धि बहादुर श्रेष्ठ, वडाका कर्मचारी, स्वास्थ्यकर्मी लगायत स्थानीय ज्येष्ठ नागरिकहरुको उपस्थिती रहेको थियो । बिहान १० बजे देखि अपरान्ह ३ बजे सम्म चलेको उक्त स्वास्थ्य शिविरमा करिब १ सय २० जना ज्येष्ठ नागरिकहरुको नि:शुल्क दृष्टि परिक्षण गरिएको र करिब १सय १५ जनालाइ निशुल्क चस्मा वितरण गरिएको वडा अध्यक्ष मुरारी प्रसाद कपन अनलाइनलाइ जानकारी गराए ।
स्वास्थ्य सेवामा सहज, सुलभ र समान पहँच बिस्तार गर्ने उद्धेश्य सहित कार्यक्रमको आयोजना गरिएको वडा सदस्य बुद्धि बहादुर श्रेष्ठले जानकारी गराए ।उमेर ढल्किदै जाँदा आँखा सम्बन्धी समस्याका कारण कठिनाइ भोग्न नपरोस् भन्ने उद्देश्यले गोकर्णेश्वर नगरपालिका र सशक्तीकरण अवसरको सहकार्यमा सबै वडा समेटिने गरी शिविर सञ्चालन गरिएको उनले प्रष्ट पारे। निशुल्क आँखा परिक्षण र चस्मा पाउदा ज्येष्ठ नागरिकहरु खुसि देखिन्थे।
