गोकर्णेश्वर ३ तारेभिरमा नेपाली कांग्रेसको चुनावी घर दैलो
कपन अनलाइन
काठमाडौं,बैशाख २६ । नेपाली कांग्रेस गोकर्णेश्वरले घर दैलो अभियानलाई जारी राख्दै चुनावी प्रचार–प्रसार अभियानलाई तिब्र बनाएको छ ।आक्रामक रुपमा चुनावी प्रचार –प्रसार अगाडि बढाएको कांग्रेसले नगरका ९ वटै वडाका विभिन्न स्थानमा घरदैलो अभियानलाई जारी राखेको छ ।
यसैक्रममा सोमबार गोकर्णेश्वर नगरपालिका वडा नं ३ तारेभिरमा नेपाली कांग्रेस बाट नगर प्रमुखका उम्मेदवार दिपक रिसाल, उप प्रमुखका उम्मेदवार शान्ती नेपाल वडा अध्यक्षका उम्मेदवार किरण बहादुर बिष्ट, वडा सदस्यका उम्मेदवारहरु बिमान लामा, रेणुका पौडेल विजय श्रेष्ठ, निर्मला कामि लगायत नेपाली कांग्रेसका नेतातथा कार्यकर्ताको उपस्थितिमा चुनावी प्रचार –प्रसार अभियान कार्यक्रम सम्पन्न गरेको छ । उक्त कार्यक्रमलाइ सम्बोधन गर्दै नगर प्रमुखका उम्मेदवार दिपक रिसालले कांग्रेसको नेतृत्वमा नगरपालिकाका जनताको हितमा काम गरेको र आगामी दिनमा समेत काम गर्ने प्रतिबद्धता जाहेर गर्दै नेपाली कांग्रेसका उम्मेदवारहरुलाई बिजयी गराउन अनुरोध गरेका थिए । उनले तारेभिरबासीको भावनालाई मध्यनजर गर्दै अगाडी बढ्ने पनि बताएका थिए ।
