कपन प्रहरीलाई बुढानिलकण्ठ -१० को लाइट ज्याकेट सहयोग

कपन अनलाइन

काठमाडौं ,पुस २।

बुढानिलकण्ठ नगरपालिका वडा नं १० ले कपन प्रहरी प्रभागलाई लाइट ज्याकेट सहयोग गरेको छ। बुढानिलकण्ठ नगरपालिका वडा नं १० का कार्यबाहक अध्यक्ष चन्द्रमान श्रेष्ठले ५० वटा  ज्याकेट  कपन प्रहरी प्रभागका प्रमुख प्रहरी निरीक्षक शेखरजङ्ग  मल्ललाई हस्तान्तरण गरेका थिए।

नगरवासीहरुको शान्ति सुरक्षामा अहोरात्र खटिने सुरक्षाकर्मीहरुको योगदानको कदर गर्दै उक्त सहयोग गरेको कार्यबाहक अध्यक्ष श्रेष्ठले बताएका छन।

प्रहरीको रात्रीकालिन गस्ती र चेकजाँचका समयमा सो ज्याकेट उपयोगी हुने बताउदै उनले नगरवासीको शान्ति सुरक्षाका लागि प्रहरीको हरेक भूमिकामा सहयोगी बनेको धारणा राखेका छन।