सोलुखुम्बुको सल्लेरीबाट खरिखोला जाँदै गरेको बोलेरो पल्टियो

कपन अनलाइन

काठमाडौं ,मंसिर २६।

सोलुखुम्बुको सल्लेरीबाट खरिखोलाका लागी छुटेको बोलेरो जिप माप्य दुधकोशी गाउँपालिका पाँचमा दुर्घटना भएको छ । सल्लेरीबाट शनिबार विहान ८ बजे खरिखोला हुँदै बुक्सा थामडाँडाका लागी छुटेको प्रदेश नम्बर ३–०१२२ च ३४७१ नम्बरको बोलेरो जिप देवीस्थान आधारभुत विद्यालय नजिकै उकालोमा ब्याक गर्ने क्रममा पल्टिएको चालक चामुधन राईले सोलु एफ एमलाई जानकारी दिनुभयो ।

उहाँका अनुसार दुई महिला र चार पुरुष सहित ६ जना यात्रु सवार बोलेरो विपरित दिशाबाट आउँदै गरेको जिपलाई साईड दिने क्रममा दुर्घटना भएको हो । दुर्घटनामा दुई जना यात्रु घाईते भएको भनिएपनि आधिकारिक पुष्टि हुन बाँकी छ । उकालोमा ब्याक गर्ने क्रममा दायाँतर्फको चक्का चिप्लिएर सडक बाहिर जादाँ गाडी पल्टिएको प्रत्यक्षदर्शीले बताएका छन् ।