हार्दिक श्रद्धाञ्जली–चराविज्ञ हेम पौडेल : दुर्गा अधिकारी ‘भमरकोटे’ (कविता )
कपन अनलाइन
काठमाण्डौ,बैशाख ८।
बाँधी अञ्जली
दाजु हेम पौडेल
छ श्रद्धाञ्जली ।
उच्च सम्मान
कलाकार कविमा
श्रद्धासुमन ।
थियौ हर्षमा
तिमी हामी भेटेको
शंख पार्कमा ।
मान्छे अजीब
तिम्रो कलाकारिता
लाग्ने सजीव ।
साहित्यकार
चित्रकार वरिष्ठ
हेम पौडेल ।
धेरै ठाउँमा
प्रदर्शन कलाको
गाउँ गाउँमा ।
चराविज्ञ हौ
कुनाकाप्चा नेपाल
धेरै डुले छौ ।
कृति लेखेको
नेपालका चराको
परिचय भो ।
कर्म गरेर
पायौ धेरै सम्मान
रंग भरेर ।
तिम्रै कारण
कपन बानेश्वर
भो संरक्षण ।
कस्तो विधान
माघ सत्र साँझमा
भयो निधन ।
गर्यौ नि दान
आफ्नो पूरै शरीर
कर्म महान ।
सुन खबर
कृति छोड्ने मानिस
हुन्छन् अमर ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
