लायन्स क्लब डिस्ट्रिक ३२५ डी को बर्ष २०२२/२०२३ को लागी उम्मेद्वार घोषणा
कपन अनलाइन
काठमाडौँ, माघ २३ । लायन्स क्लब इन्टरनेसनल बाट स्वीकृत डिस्ट्रिक ३२५ डीको बर्ष २०२२/२०२३ को लागी उम्मेद्वार घोषणा कार्यक्रम सम्पन्न भएको छ ।आइतबार छिमेकी पार्टी प्यालेसमा लायन उदय कुमार भण्डारीको अध्यक्षता भएको उक्त उम्मेदवारी घोषणा कार्यक्रममा प्रमुख अतिथिको रुपमा जी ए टी एरिया लिडर लायन्स खगेन्द्र सिटौला रहेका थिए भने बिशेष अतिथिको रुपमा इमिडेट पास्ट प्रेसिडेन्ट लायन टंक बहादुर श्रेष्ठ, गोकर्णेश्वर नगरपालिका उप प्रमुख शान्ती नेपाल, क्याबिनेट सेक्रेटरी लायन धर्म शरण श्रेष्ठ ,लायन उत्तर चापागाई लगायत लायन्स लिडर तथा सदस्यहरुको बाक्लो उपस्थिति रहेको कार्यक्रम संचालन लायन महेश आचार्यले गरेका थिए ।
राष्ट्रिय गान संगै शुरु भएको उक्त कार्यक्रममा विश्व शान्तीको लागि एक मिनेट मौन प्रार्थना गरिएको थियो ।लायन उदय कुमार भण्डारीले कार्यक्रमको उदेश्य माथी प्रकाश पारेका थिए भने कार्यक्रममा लायन्स क्लब इन्टरनेसनल बाट स्वीकृत डिस्ट्रिक ३२५ डी को बर्ष २०२२/२०२३ डिष्ट्रिक गभर्नर, सेकेन्ड भाइस डिस्ट्रिक गभर्नर र फर्स्ट भाइस डिस्ट्रिक गभर्नर पदको उम्मेदवारी घोषणा गरिएको थियो । आगामी फागुन ७ गते लायन्स क्लब इन्टरनेसनल डिस्ट्रिक ३२५ ए१को बार्षिक सम्मेलन हुन गइरहेको छ।
सोहि सम्मेलनमा डिस्टृक्ट ३२५ ए१ बाट बिस्तारित भइ हालै स्वीकृत डिष्टृक्ट ३२५ D मा डिस्टृक्ट गभर्नर पदको लागिलायन्स क्लब काठमाडौं गोकर्णेश्वरबाट लायन विष्णुभाइ श्रेष्ठ डिस्ट्रिक्ट गभर्नरका उम्मेदवार घोषणा गरिएको थियो । यसैगरी लायन बर्ष २०२२/२०२३ को लागी फस्ट भाईस डिस्ट्रिक्ट गभर्नरमा लायन्स क्लब काठमाडौं राईजिङ सनबाट रमेश कुमार लामा र सेकेण्ड भाईस डिस्ट्रिक्ट गभर्नरमा लायन्स क्लब काठमाडौं जोरपाटीबाट सुरेन्द्र प्रकाश बलायको नाम उम्मेदवारमा घोषणा गरिएको थियो ।
कार्यक्रममा डिस्ट्रिक गभर्नर पदका उम्मेदवार लायन बिष्णु भाइ श्रेष्ठको परिचय लायन श्रीधर भण्डारीले गराएका थिए भने फस्ट भाईस डिस्ट्रिक्ट गभर्नरका उम्मेदवार लायन रमेश कुमार लामाको परिचय लायन धर्म शरण श्रेष्ठ र सेकेण्ड भाईस डिस्ट्रिक्ट गभर्नरका उम्मेदवार सुरेन्द्र प्रकाश बलायको परिचय लायन दिपक चापागाईले गरेका थिए ।
उम्मेदवारी घोषणा कार्यक्रममा उम्मेदवारहरुले आफ्नो कार्यकालमा टिमको भावना अनुसार काम गरी सेवाकार्यबाट उत्कृष्ठ डिस्ट्रिक्ट बनाउन लागि पर्ने प्रतिबद्धता व्यक्त गर्दै उक्त पदमा बिजयी गराउन अनुरोध गरेका थिए ।कार्यक्रममा प्रमुख अतिथि जी ए टी एरिया लिडर लायन्स खगेन्द्र सिटौला बिशेष अतिथि इमिडेट पास्ट प्रेसिडेन्ट लायन टंक बहादुर श्रेष्ठ, गोकर्णेश्वर नगरपालिका उप प्रमुख शान्ती नेपाल लगायत लायन्स लिडरहरुले शुभकामना मन्तब्य राखेको कार्यक्रममा लायन नवराज बास्तोलाले धन्यबाद ज्ञापन गरेका थिए ।
