कोरोना संक्रमितलाई भेटेर हौशला बढाउदै टोखा नगरपालिकाका जनप्रतिनिधि
कपन अनलाइन
काठमाडौं ,भाद्र १६। सुरेन श्रेष्ठ /शोभा तामांग
टोखा नगरपालिकाका जनप्रतिनिधिहरुले नगरपालिकाका विभिन्न स्थानमा रहेका कोरोना संक्रमितहरुलाई भेटेर हौशला बढाएका छन । खा नगरपालिकाका प्रमुख प्रकाश अधिकारी, उपप्रमुख ज्ञानमाया डङ्गोल र सम्बन्धित वडाका अध्यक्ष तथा सदस्यहरुले सुरक्षित मापदण्ड अपनाउदै संक्रमितहरुलाई भेटेका थिए।
आफ्ना जनप्रतिनिधि भेटेर निकै उत्साहित बनेका कोरोना संक्रमितहरुले खुसि व्यक्त गर्दै यस्तो समयमा भेटेर हौशला प्रदान गरेकोमा धन्यवाद दिएका थिए। संक्रमितहरु फरक व्यवहारको शिकार बन्नु परेको समयमा जनप्रतिनिधिहरुको यो कामले आत्मवल बढाएको उनीहरुको भनाइ रहेको थियो।
संक्रमितहरुलाई भेटे पश्चात नगर प्रमुख प्रकास अधिकारीले आत्मविश्वास दरिलो बनाउन आग्रह गर्दै कुनै पनि सहयोग आवस्यक भएमा खबर गर्न अनुरोध गरेका थिए।
कोरोना संक्रमितलाई हौसला दिन आफुहरुको साथ र सहयोग संधै रहनेछ भन्दै उपप्रमुख डंगोलले सचेत रहन र संक्रमितलाई सकारात्मक व्यवहारले प्रोत्सहान गर्न आग्रह गरेकी छन ।
(सुरेन श्रेष्ठ /शोभा तामांग सुशासन र समृद्धिका लागि संचार अभियानका प्रशिक्षार्थी पत्रकार हुन् )
तपाइँको प्रतिक्रिया ।
