ओखलढुंगाको कमाण्ड पोष्टलाई सांसद यज्ञराज सुनुवारको सहयोग

कपन अनलाइन

काठमाडौं ,बैशाख ७।

ओखलढुंगाका सांसद यज्ञराज सुनुवारले ओखलढुंगाका प्रमुख जिल्ला अधिकारीको संयोजकत्वमा गठित कमाण्ड पोष्टलाई आधा महिनाको सेवा सुविधा उपलब्ध गराएका छन् । उनले पारिश्रमिकस्वरुप पाउने आधा महिनाको ३२ हजार रूपैयाँ रकम पोष्टलाई उपलब्ध गराएका हुन् ।

सांसद सुनुवारले रकम उपलब्ध गराएपछि पोष्टको आजको बैठकले धन्यवाद दिएको छ । पोष्टले कोरोनाको रोकथाम, उपचारलगायतका विषयमा निर्णायक भूमिका खेल्दै आएको छ।

यस अघि पनि सुनुवारले जिल्लाका विभिन्न गाउँपलिकालाई विभिन्न सामाग्री सहयोग गरेका थिए।