शान्तिआदर्श स्कुल गोकर्णेश्वर नगरपालिका –५ को सांस्कृतिक कार्यक्रमका साथै अभिभावक दिवस सम्पन्न

कपन अनलाइन

काठमाडौं फागुन २०। गोकर्णेश्वर नगरपालिका –५ स्थित शान्तिआदर्श माध्यमिक विद्यालयले स्थापनाको ३५ वर्ष पूरा गरेको उपलक्ष्यमा विद्यालय प्रांगणमा सांस्कृतिक कार्यक्रमका साथ अभिभावक दिवस मनाएको छ ।

विद्याल यव्यवस्थापन समितिकाअध्यक्ष तथा संस्थापक निर्देशक मुकुन्द बरालको सभापतित्वमाआयोजित कार्यक्रममा प्रिन्सिपल ऋषिकेश बराल, प्याब्सनका महासचिव कुमार घिमिरे लगायतको उपस्थिति थियो । विद्यालयका सहायक प्रिन्सिपल विमलश्रेष्ठले स्वागत मन्तव्य राख्नु भएको कार्यक्रममा गोकर्णेश्वर आसपासका सामुदायिक तथा संस्थागत विद्यालयका प्रिन्सिपलहरुको बाक्लो उपस्थिति थियो ।

कार्यक्रमलाई सम्बोधन गर्दै प्रिन्सिपल ऋषिकेश बराल विभिन्नआरोह अवरोहका बीच विद्यालयले हासिल गरेको उपलब्धि बारे जानकारी गराए । कार्यक्रममा विद्यार्थीहरुले आर्कषक गीत तथा नृत्य प्रस्तुत गरेका थिए । सोहीअवसरमा लामो समय विद्यालयमा योगदान दिने शिक्षक, शिक्षिका तथा कर्मचारीहरुलाई सम्मान गरिएको थियो ।

प्रिन्सिपल बरालका अनुसार शान्तिआदर्श माध्यमिक विद्यालयबाट हाल सम्म १३ सय जनाभन्दा बढीले एसएलसी तथा एसइइ उत्तिर्ण गरिसकेका छन् । तीमध्ये अधिकांश राष्ट्रिय तथाअन्तर्राष्ट्रिय क्षेत्रमा स्थापित भइसकेका छन् ।