छहारी शिक्षा सदनले चौंथो संस्करणको अन्तर बिध्यालय छात्र /छात्रा छहारी स्कुल कप सेभेन ए साइड फुटसल प्रतियोगिता गर्ने

कपन अनलाइन

काठमाडौँ, फागुन ६।  गोकर्णेश्वर नगरपालिकामा संचालित  छहारी शिक्षा सदन स्कुलले फागुन ८ गते देखि १० गते सम्म चौंथो संस्करणको अन्तर बिद्यालय छात्र छात्रा  छहारी स्कुल कप (सीएसी कप) सेभेन ए साइड फुटसल प्रतियोगिता आयोजना गर्ने भएको छ ।

मंगलबार पत्रकार सम्मेलनमा उक्त प्रतियोगिताको बारेमा जानकारी गराइएको हो ।  गोकर्णेश्वर नगरपालिका माकलबारी स्थित मनकामना फुटसलमा संचालन हुन लागेको सो  प्रतियोगितामा २२ स्कुलका छात्र तर्फ २४ र छात्रातर्फ १२ टिमको सहभागिता रहने कार्यक्रम संयोजक रशिक कोइरालाले जानकारी गराए। उनले सहभागी टिमलाई विभिन्न ८समूहमा विभाजन गरी लिग कम नकआउट आधारमा खेल खेलाइने समेत जानकारी गराए ।  उनले  खेलकुदको विकास विद्यालय तहबाटै शुरु हुने भएकाले यसले खेलाडीलाई फुटबलमा लाग्ने प्रेरित गर्नुको साथै विधार्थीका बीचमा स्वस्थ्य प्रतिस्पर्धा, शारीरिक र मानसिक रुपमा दुरुस्त रहन यस्ता प्रतियोगिता सहयोगी हुने विश्वासका साथ प्रतियोगिताको चौंथो संस्करण आयोजना गर्न लागिएको जानकारी गराएका हुन  ।

 प्रतियोगिताको  प्रथम दितीय र तृतीय हुने टिमले ट्रफी मेडल  तथा प्रमाणपत्र प्राप्त गर्ने छन् । यस्तै छात्रा र छात्रतर्फका उत्कृष्ट खेलाडी, उत्कृष्ट गोल रक्षक  र उदयमान खेलाडी र फेयर प्ले टिमलाई लाई पनि पुरस्कारको  व्यवस्था गरिएको जानकारी गराए । उनले  खेल अवधी भर खेलाडीहरुको मनोबल उच्च पार्न सम्पुर्ण खेल प्रेमी दर्शकहरुलाई  खेल अवलोकनको लागि उपस्थिती भईदिन समेत अनुरोध गरेका छन् ।उक्त पत्रकार सम्मलेनमा सहभागी बिध्यालयका शिक्षक प्रतिनिधिहरुको समेत उपस्थिति रहेको थियो ।

पत्रकार सम्मेलन पश्चात खेल तालिका समेत सार्वजनिक गरिएको थियो। प्रतियोगितामा छहारी बुक्स एण्ड स्टेसनरी,युनिक पब्लिकेशन,एलाइड पब्लिकेशन,चारुमती पब्लिकेशन सनराइज पब्लिकेशन,सुभारम्भ पब्लिकेशन, संजीवनी पब्लिकेशन र टिचर्स पब्लिकेशनको समेत सहयोग रहेको छ ।