नेसनल प्याव्सन बुढानिलकण्ठको प्रथम भेला सम्पन्न

कपन अनलाइन

काठमाडौं , फागुन २।

राष्ट्रिय निजि तथा आवासीय विध्यालय एसोसिएसन बुढानिलकण्ठ नगर समितिको प्रथम नगर भेला सम्पन्न भएको छ।
नेसनल प्याव्सन बुढानिलकण्ठ नगर समितीका अध्यक्ष नारायण तिमल्सिनाको अध्यक्षता र नेसनल प्याव्सनका पुर्व केन्द्रिय बरिस्ठ उपाध्यक्ष सुर्य बहादुर अधिकारीको प्रमुख आतिथ्यतामा भएको भेलामा , पुर्व केन्द्रिय सचिव प्रलाद दाहाल , प्याव्सकका संस्थापक अध्यक्ष केदारराज पुडासैनी ,बागमती प्रदेशका सचिव भुपेन्द्र खत्री , काठमाडौं जिल्लाका पुर्व अध्यक्ष सिपि आचार्य, काठमाडौं जिल्ला सचिव अमृत खड्का , जिल्ला कोषाध्यक्ष श्याम योन्जन लगायत अतिथि रहेका थिए ।
यही फागुन ६ गते काठमाडौं जिल्ला नेसनल प्याव्सनको अधिवेशनको सन्दर्भमा आयोजना भएको भेलामा बुढानिलकण्ठ नगरपालिकामा संचालनमा रहेका विध्यालयहरुको सहभागीता रहेको थियो।
नयाँ नेतृत्वको चयन हुने केहि समय पश्चात् हुने केन्द्र र काठमाडौं जिल्लाको अधिवेशनलाई निकै चासोका साथ हेरिएको छ।
काठमाडौं जिल्लाका करिव ४ सय निजि तथा आवासीय बिध्यालय सदस्य रहेको नेसनल प्याव्सन काठमाडौंको अधिवेशनका वारेमा बुढानिलकण्ठ नगरको प्रथम भेलामा आगामी नेतृत्व र अधिवेशनका वारेमा चर्चा भएको थियो ।
त्यस्तै सो कार्यक्रममा बोल्दै प्रमुख अतिथी अधिकारीले निजि तथा आवासीय बिध्यालयहरुको पेशागत सुरक्षा र बिकासका लागि महाधिवेशन बाट सक्षम र अनुभवी नेतृत्व आउनु पर्ने बताउदै आसन्न केन्द्रिय महाधिवेशनमा नेतृत्वको दावी गर्ने संकेत दिएका थिए ।