बुढानिलकण्ठ नगरपालिकावडा नं १ द्वारा जेष्ठ नागरिकलाई न्यानो कपडा वितरण
कपन अनलाइन
काठमाडौं,माघ १८ ।
बुढानिलकण्ठ नगरपालिकावडा नं १ मा रहेको शिवपुरी जागरण महिला समूह द्वारा आयोजना गरिएको जेष्ठ नागरिकलाई न्यानो कपडा वितरण कार्यक्रम सम्पन्न भएको छ।
नगरपालिकाबाट जेष्ठ नागरिकलाइ न्यानो कपडा शिर्षक अन्तर्गत विनियोजित रकम १ लाखबाट वडा नं १ मा बसोबास गर्ने जेष्ठ नागरिक आमाबाबुहरुलाई न्यानो कपडा बितरण गरिएको छ।
उक्त कार्यक्रमका प्रमुख अतिथि बुढानिलकण्ठ नगरपालिका का प्रमुख उद्दब खरेल रहेका थिए भने बिशेष अतिथिमा बुढानिलकण्ठ नगरपालिका की उप मेयर रमा राइ ,वडा अध्यक्ष सुरेन्द्र लामा वडा सदस्य, वडाका स्थानीय राजनीतिक दलका नेता जेष्ठ नागरिक , ,बुद्दिजिबि लगायत स्थानीयहरुको उपस्थिति रहेको थियो।
कार्यक्रममा बोल्दै प्रमुख अतिथि बुढानिलकण्ठ नगरपालिका का प्रमुख उद्दब खरेलले जेष्ठ नागरिकलाइ सम्मान गर्न पाउदा खुसि लागेको बताउदै जेष्ठ नागरिकहरु नगरको गहना भएको र उनीहरुको अनुभबबाट ज्ञान लिंदै बिकासमा अघि बढ्नु पर्ने बताएका थिए।
कार्यक्रममा बोल्दै बुढानिलकण्ठ नगरपालिका वडा नं १ का वडा अध्यक्ष सुरेन्द्र लामाले यस्तो कार्यक्रम को सुरुवात भएको र आगामी दिनमा पनि यसलाई निरन्तरता दिदै जाने बताएका थिए ।उनले वडाबाट पनि जेष्ठ नागरिकको लागि काम गर्ने योजना रहेको बताउदै आयोजकलाई धन्यबाद दिएका थिए।
