राज्यमन्त्री तामाङबाट पद तथा गोपनीयताको शपथ

कपन अनलाइन 

काठमाडौँ, २७ फागुन । प्रधानमन्त्री पुष्पकमल दाहाल ‘प्रचण्ड’ ले नवनियुक्त संस्कृति, पर्यटन तथा नागरिक उड्डयन राज्यमन्त्री परशुराम तामाङलाई आज पद तथा गोपनीयताको शपथ ग्रहण गराउनुभयो ।

प्रधानमन्त्री तथा मन्त्रिपरिषद्को कार्यालय, सिंहदरबारमा आयोजित समारोहमा प्रधानमन्त्रीले उहाँलाई पद तथा गोपनीयताको शपथ ग्रहण गराउनु भएको हो ।

उहाँ राष्ट्रिय प्रजातन्त्र पार्टीको सिफारिसमा राज्यमन्त्री नियुक्त हुनुभएको छ ।

समारोहमा मन्त्रीहरु, नेपाल सरकारका सचिवलगायतको सहभागिता रहेको थियो । रासस