भानु साहित्यिक पत्रिकाको भानु स्वर्ण वर्ष विशेषाङ्कक विमोचन
असोज २० /भानु साहित्यिक पत्रिकाको भानु स्वर्ण वर्ष विशेषाङ्कको आज बौद्ध, रामहिटी को साहित्य सदनमा पूर्व प्रधान मन्त्री तथा नेकपा एमाले का अध्यक्ष झलनाथ खनालले विमोचन गर्नुभयो । भवानी घिमिरे को चौथो स्मृति सभा पारी आयोजना गरिएको कार्यक्रम मा बोल्दै खनालले भन्नु भयो देशमा संकट आएको र उक्त संकत टाल्न साहित्येकार लेखक लगायेतका ले आफ्नु कलमको माध्यम बाट सबै राजनीति दलहरूलाई घचघच्यौनुपर्ने बताउनु भयो !
भानु मासिकका प्रमुख सम्पादक राम प्रसाद ज्ञवालीको अध्यक्षतामा भएको उक्त कार्यक्रममा नेपाल प्रज्ञा प्रतिष्ठानका उप कुलपती गंगा उप्रेती , प्रदिप ज्ञावली राम क्रिष्ण दुवाल ,घिमिरे पत्नि तथा भानुका प्रकाशक शिवानी घिमिरे लगायतले घिमिरेको व्यक्तित्व, सामाजिक, साहित्यिक पाटाहरू तथा साहित्य र पत्रकारिता वारेमा प्रकाश पार्नु भएको थियो । कार्यक्रम भवानी मासिक परिवार ले आयोजना गरेको थियो !
भवानी प्रसाद घिमिरे वारे थपजान्कारी
नाम – भवानी प्रसाद घिमिरे
जन्म – वि. सं. १९८७, असोज-
सेवा – साहित्यिक पत्रकारिता, राजनीति / शिक्षा – स्नातक
भ्रमण – नेपाल, भारत, बेलायत, सोभियत रुस / बिधाः कविता/कथा,अन्य
संलग्नता
महानन्द पुरस्कार समितिका अध्यक्ष / सा. प. स. का सभापति,
सा. प्र. का संचालक सदस्य / सडक कविता क्रान्तिका अग्रणी
पहिलो रचना – वि.सं. २००४/५ तिर प्रकाशित
मौलिक कृतिः –
१) आत्मा- ज्वाला- कथा संग्रह -२) नानी- कथा संग्रह -३) स्मृतिका रेखाहरु – कविता संग्रह
४) माउन्सेतुङ्ग-जीवनी
सम्पादित, अनूदित र फुटकर कृति –
१) “भानु” पहिले त्रैमासिक हाल मासिक-सं.
२) कारागार भित्र प्रतीक्षा र अन्य कविता गुमानसिंह चामलिङको कविता संग्रह – सं.
३) कामरेड जाने होइन – कथा संग्रह – सं. -४) जययुग – पाक्षिक- सं
५) हाम्रो नेपाल मासिक -सं. -६) युवक – मासिक – सं. -७) नभाग – कथा संग्रह – संपादन
८)) गाउँको सन्देश – कथा संग्रह – संपादन -९) मेची किरानाका कविताहरु – सह-सम्पादन
१०) विभिन्न पत्र-पत्रिकाहरुमा कथा, कविता, लेख, निबन्ध आदि प्रकाशित
पुरस्कार, मान – सम्मान, पदकः –
१) वि. सं. २०४५ मा प्राज्ञिक क्रियाकलाप गरेबापत शिक्षा मन्त्रालयबाट पुरस्कृत
२) नेपाल तथा प्रवासमा अविनन्दित
ठेगाना – निवास – भानुनगर भद्रपुर -८, झापा,
२००९ सालदेखि प्रगतिशील साहित्यिक र राजनीतिक गतिविधिमा सकि्रय भवानी घिमिरे प्रगतिशील लेखक सङ्घका संस्थापक मध्येका एक हुनुहुन्थ्यो भने सङ्घको पहिलो सम्मेलनको समुद्घाटन उहाँले गर्नुभएको थियो । भवानी घिमिरे वि।सं। १९८६ को असोजमा विजयादशमीको दिन मोरङ जिल्लाअन्तर्गत विराटनगरको मधुमारा टोलमा जन्मनुभएको थियो ।
पिता हिरण्यनाथ र हाटकेशरीदेवीका माहिला छोरा घिमिरेको बाल्यकालमै घरको वार्दलीबाट खस्दा देब्रे हात भाँचिएको थियो । काशी हिन्दु विश्व विद्यालयबाट वाणिज्य शास्त्रमा स्नातक तहसम्मको औपचारिक शिक्षा पूरा गर्नु भएका घिमिरे महाकवि देवकोटाका सहायक भई युगवाणी पत्रिकाका प्राशनमा संलग्न रहनुभएको थियो । विराटनगरको जनता माद्यमिक विद्यालय र मेची बहुमुखी क्याम्पसमा केही समय अध्यापन कार्यमासमेत संलग्न भवानी घिमिरे पछिल्लो अवधिमा काठमाडौँमा रहेर भानु साहित्यिक पत्रिकाको प्रकाशन कार्यमा कि्रयाशील हुनुहुन्थ्यो । २०२० सालमा झापाबाट प्रकाशन आरम्भ गरिएको भानु साहित्यिक पत्रिका हालसम्म नियमित प्रकाशित भइरहेको छ । भानु पत्रिकाका देवकोटा लेखनाथ महानन्द सापकोटा गोकुल जोशी हरिभक्त कटुवाल सिक्किम र असम विषेशाङ्कहरु विशेष चर्चामा रहेका छन् । लामो समयदेखि घिमिरेले साहित्यिक पत्रकार सङ्घको नेतृत्वसमेत गर्नुभएको थियो ।
निरङ्कुश पाचायती कालमा साहित्यद्वारा पाचायत विरोधी भावना उत्प्रेरित गर्न २०३६ सालमा देशव्यापी ुसडक कविता आन्दोलनु को आरम्भ गरी त्यसको प्रमुख संयोजन भवानी घिमिरेले गर्नुभएको थियो । २००९ सालमै आत्मज्वाला जस्तो प्रगतिशील कथासङ्ग्रह लिएर देखा पर्नुभएका घिमिरे कविता कथा निबन्ध संस्मरण समालोचना एवम् दर्जनौँ पुस्तकहरुका भूमिका लेखकका रुपमा परिचित हुनुहुन्थ्यो ।
भानु स्वर्ण वर्ष विशेषाङ्क विमोचन का फोटो हरू :
