प्याब्सन बुढानिलकण्ठ र हिमालयन शेर्पा बीच सम्झौता,नगरमा ग्रासरुट फुटबल कार्यक्रम संचालन हुने
कपन अनलाइन
काठमाडौं, पुस ११ ।
प्याब्सन बुढानिलकण्ठ र ए डिभिजन टोली हिमालयन शेर्पा क्लबबीच ग्रासरुट फुटबल कार्यक्रम संचालनका लागि सम्झौता भएको छ । सो सम्झौताअनुसार बुढानिलकण्ठ नगरपालिका भित्रका विद्यालयका बालबालिकालाई लक्षित गरी फुटबल प्रशिक्षण कार्यक्रम संचालन हुनेछ ।
क्लबले अनुभवी प्रशिक्षकहरू उपलब्ध गराउनुका साथै स्थानीय समुदायमा प्रशिक्षक उत्पादन गर्ने तथा प्याब्सन बुढानिलकण्ठले नगरपालिकाभित्रका विद्यालयहरूमा फुटबलसम्बन्धी कार्यक्रम संचालन गर्न समन्वय गर्ने उक्त सम्झौतामा उल्लेख गरिएको छ ।
सो कार्यक्रम बालबालिकाको समग्र व्यक्तित्व विकास र समुदायमा स्वस्थ जीवनशैली प्रवर्द्धन गर्न महत्वपूर्ण हुने प्याब्सन बुढानिलकण्ठका अध्यक्ष राधेश्याम श्रेष्ठले बताएका छन ।
सम्झौता पश्चात सो साझेदारीले नयाँ प्रतिभा पहिचान गरी राष्ट्रिय तथा अन्तर्राष्ट्रिय स्तरमा प्रतिस्पर्धा गर्न सक्षम खेलाडी उत्पादन गर्ने लक्ष्य लिएको हिमालयन शेर्पा क्लबका अध्यक्ष कर्माछिरिङ शेर्पाले बताएका थिए ।
