फ्रेन्ड्स क्लबले कर्माछिरिङ शेर्पासहित  ३ जनालाई सम्मान गर्यो 

कपन अनलाइन, काठमाडौँ, जेठ १२, २०७३

कुपन्डोलमा रहेको  नेपालको पूरानो फ्रेन्डस फुटबल क्लबले भर्खरै फिफाले एन्फामा पूनर्बहाली गरेका पदाधिकारीलाई सम्मान गरेको छ । तत्कालिन एन्फा अध्यक्ष गणेश थापाले अनियमितता गरेको भन्दै यसै क्लब परिसरबाट अभियान शुरू गरेको सन्दर्भ पारेर ती पदाधिकारीहरूलाई सम्मान गरिएको हो । एन्फाका पदाधिकारीहरू कर्माछिरिङ शेर्पा, विजयनारायण मानन्धर र पंकजबिक्रम नेम्वाङलाई आज एक औपचारिक कार्यक्रम आयोजना गरि सम्मान गरिएको हो । सम्मान कार्यक्रममा फुटबल क्षेत्रको अनियमितता र भ्रष्टाचारको बारेमा विचार व्यक्त गरिएको थियो ।