जाडो : भावना बराल ( कविता )
कपन अनलाइन
काठमाडौं ,मंसिर १८।
आच्छु छु छु जाडो भयो
तातो तातो खाँउ
हातेमालो गर्दै गरौँ
पुष र माघलाई भगाउ ।
धुम्म परी नबसौ है
एकै ठाउँमा
कत्ति धेरै जाडो होला
गैरीगाँउमा ।
बा आमाको ख्याल गरौँ
जाडो बढ्दै गाछ
मुटु काम्ने चिसो साथी
मलाई पनि भाछ ।
पाए दुध पिउछु म त
चिया कफी खाँन्न
बा आमालाई नलिई म त
घुम्न कतै जान्न ।
फुर्तिलो भई काम गरौँ
न्यानो लुगा लगाई
बाल वृद्धको सेवा गरौँ
जोस जागर चलाई ।
शारीरिक व्यायाम अनि
तातो झोल नि खाने
पुष र माघको जाडो चाहिँ
लाग्छ ज्यानै लाने ।
नाक मुखबाट धुवा उड्यो
कानै ठाडो भयो
न्यानो लुगा लगाउदा नि
नाकलाई जाडो भयो ।
पुष र माघ त महिनै चिसो
काट्न कठिन साह्र्रो
धन हुनेलाई एसी हिटर
गरिबलाई हो गाह्रो ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
