सम्पदा सरसफाई र संरक्षणमा जुट्दै शंखरापुर वडा नं ६ का वडा अध्यक्ष राधाकृष्ण श्रेष्ठ

कपन अनलाइन

काठमाडौं फाल्गुन ३ । वडा ,नगरपालिका मिलेर सम्पदा निर्माण गर्यौ अब फेरि तपाईं हामी मिलेर संरक्षण गरौ भन्ने मुल नाराको साथमा शंखरापुर नगरपालिका वडा नं ६ का   सम्पदा सरसफाई गरिएको छ । शनिबार वडा अध्यक्षको नेतृत्वमा शंखरापुर वडा नं ६ मा  १बर्ष अगाडि पुनः निर्माण गरिएको दुगाहिटी  (ढुङ्गे धारा) सरसफाई गरिएको हो । उक्त कार्यक्रममा दुगाहिटी टोलसुधार समितीका अध्यक्ष चन्द्र नारायण श्रेष्ठलगायत पदाधिकारी सहित स्थानीयको सहभागिता रहेको थियो ।

सफा वडा नै आफनो पहिचान, परिचय अनि सभ्यता  संग गासिएकोले आफु बस्ने  वडालाइ  सभ्य ,सफा र बिकसित  वडा वनाउनको लागि  स्थानीयको  सहयोग आवश्यक रहेको बताउने वडा अध्यक्ष एबम नगर  प्रवक्ता समेत रहेका राधाकृष्ण श्रेष्ठले वडाको टोल टोलमा हप्ताको दुइ घण्टा सरसफाई कार्यक्रम संचालन गरिने समेत बताएका छन।