सुशीला पाैडेलकाे दुइ कृति विमाेचित

कपन अनलाइन

काठमाडौं, असार २५।

साहित्यकार सुशिला पौडेलको दुई कृति “मनुषी” (मुक्तक सङ्ग्रह) र “खुसीविनाको मुस्कान” (गजल सङ्ग्रह) बिमाेचन भएकाे छ । नेपाल प्रज्ञा प्रतिष्ठानमा एक बिशेष कार्यक्रमको आयोजना गरि बिमोचन गरिएकाे हाे ।

नेपाली कांग्रेसका महामन्त्री गगन थापाको प्रमुख आतिथ्यता एवं कवि तथा समालोचक डा.गीता त्रिपाठीको सभापतित्व तथा साहित्य क्षेत्रका बिशिष्ठ ब्यक्तित्व कवि तथा गीतकार दिनेश अधिकारी आख्यानकार डा. भोजराज घिमिरे , समाबेशी आयोगका सदस्य बिष्णु ओझा, कवि एसपी कोइरालाको आतिथ्यतामा लोकार्पण गरिएको थियो ।

प्रमुख अतिथीद्वारा पानसमा द्वीप प्रज्वलन गरि औपचारिक रुपमा सुरु गरिएको उक्त कार्यक्रममा प्रसिद्ध कवि एवं गीतकार दिनेश अधिकारीले स्वागत मन्तब्यका क्रममा कृतिगत रुपमा उल्लेखनीय उपस्थिति जनाउने उदियमान गजलकार एवं मुक्तककारका रुपमा परिचय बनाउन सफल भएकी सुशिला पौडेलको आगामी लेखन कार्यको सफलताको शुभकामना ब्यक्त गरेका छन् ।

समाबेशी आयोगकी सदस्य बिष्णु ओझाले कविताकै माध्यमबाट आफ्नो सुन्दर बैवाहिक जीवनको सुरुवात भएको उल्लेख गर्दै साहित्य र आफ्नो जीवनको अन्योन्याश्रित सम्बन्ध रहेको उल्लेख गर्दै साहियत्कार सुशीला पौडेल- वर्तमान समयकी सशक्त एवम् उज्ज्वल भविष्य बोकेकी स्रष्टा रहेकोले उनको सफल काब्यिक यात्रको शुभकामना ब्यक्त गरेकी छन् ।