सोमबार १० हजार ३१९ जनामा कोरोना संक्रमण पुष्टि

कपन अनलाइन

काठमाण्डौ ,माघ १० ।

नेपालमा सोमबार १० हजार ३१९ जनामा कोरोना संक्रमण पुष्टि भएको छ ।

देशभर गरिएको १६ हजार ६५४ पीसीआर परीक्षणका क्रममा ८ हजार ५४ जना र ४ हजार ५ सय ४७ एन्टिजेन परीक्षणका क्रममा २ हजार २ सय ६५ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको संख्या १० लाख ३३ हजार ६ सय २६ पुगेको छ ।

त्यस्तै कोरोनाका कारण थप ४ जनाको मृत्यु भएको छ । हालसम्म नेपालमा कोरोनाका कारण ११ हजार ६ सय ५९ पुगेको छ ।