भोलि ( बिहीबार) सार्वजनिक बिदा छैन,गलत सुचना बनाउनेको खोजी

कपन अनलाइन

काठमाण्डौ ,पौष १४।

भोलि ( बिहीबार) सार्वजनिक बिदा भन्दै केही सामाजिक सञ्जालमा गृह मन्त्रालयको गलत सूचना बनाएको भेटिएपछी फेक सूचना बनाउने  व्यक्तिलाई  मन्त्रालयले खोजी शुरु गरेको छ।

मन्त्रालयले शुक्रबार  सार्वजनिक बिदाको प्रस्ताव गरे पनि निर्णय भएको छैन। बिदाको निर्णय शुक्रबार नै बस्ने मन्त्रिपरिषद् बैठकले गर्ने संभावना रहेको छ। तर बैठक अगाडि नै बिदा भन्दै फेक सूचना बनाएको पाइएपछि मन्त्रालयले खोजी गरेको छ।

‘अहिलेसम्म बिदाको निर्णय भएको छैन। यस्तो फेक सूचना बनाउनेलाई खोजी गरिरहेका छौं। साइबर क्राइममा कारबाही हुन्छ,’ मन्त्रालयका प्रवक्ता प्रदीपकुमार कोइरालाले भने।

गुरुङ समुदायले पुरानो वर्षलाई बिदाइ गरी भोलिदेखि नयाँ वर्षलाई स्वागत गरेर ‘तमु ल्होसार’ पर्व मनाउँदै छन्। सो अवसरमा बिदा दिने सरकारको तयारी छ।