खोरिया : जनार्दन अधिकारी ‘धड्कन’ (कविता )

कपन अनलाइन

काठमाण्डौ ,असार २५ ।

हेर्दा हेर्दै लजाएर
मुटु भित्र सजाएर
प्रभातको नमस्कार
मीठोछ प्यार

जङ्गल आगो लागेछ
आशाले पीर चाँगेछ
खोरिया सँगै फाँडौन
प्रेम बाँडौन ।

कठ्याङ्ग्रीएको जिन्दगी
प्रेमको न्यानो पाएर
फक्रदै दुई ओंठमा
मन्को गोठमा

भोलि त चन्द्रागिरिमा
सम्झनु पालो गजल
स्वागत गर्न चाहन्छु
पर्खि रहन्छु ।

देखाए रिष घरको
मुल्य लौ वढ्यो करको
भ्यागुताको त्यो सुकुटी
सके ढुकुटी

गुराँस टिप्न गएका
हाँगा नै भाँचि ल्याएका
औंठा यो दिंदा डुँडुल्नो
क्वाप्पै निलेका ।

सहकार्य : कपन बानेश्वर साहित्यिक साप्ताहिक