हिन्दु राष्ट्रको माग गर्दै अनसन सुरु

कपन अनलाइन\माघ १, २०७१

सनातन हिन्दू राष्ट्र पुनःस्थापना समितिले हिन्दू राष्ट्र नेपाल लेखिएको संविधान जारी गर्न दबाब दिने उद्देश्यस्वरूप रिले अनसन सुरु गरेको छ । झापाको बिर्तामोडमा जारी अनसन माघ ९ गतेसम्म चल्ने समितिका सदस्यले जानकारी दिए ।काँग्रेस कार्यकर्ता हर्कलाल गिरीको अध्यक्षतामा सुरु गरिएको अनसन कार्यक्रमको मुख्य माग भनेको माघ ८ मा हिन्दू राष्ट्र नेपाल उल्लेखित संविधान रहेको कार्यक्रमका संयोजकले प्रकाश पारेका छन् ।

नेपाली जनताका हात—हातमा हिन्दू राष्ट्र नेपाल लेखिएको संविधान ल्याउन आफूहरू लागिपरेको कार्यक्रमका सह संयोजकले बताएका छन् । हस्ताक्षर संकलन लगायतका कार्यक्रम सम्पन्न गरिसकेको समितिले माघ ८ सम्म अन्य विविध दबाबमूलक कार्यक्रम संचालन गर्ने पनि जनाइएको छ ।