ज्ञानप्रकाश एकेडेमी बुढानिलकण्ठ -११ को खेलकुद सप्ताह शुरु
कपन अनलाइन
काठमाडौं ,माघ २६।
ज्ञानप्रकाश एकेडेमी बुढानिलकण्ठ -११ को खेलकुद सप्ताह शुरु भएको छ।
नेसनल प्याव्सन काठमाडौं जिल्ला अध्यक्ष बिष्णु पराजुलीको प्रमुख आतिथ्यतामा भएको उद्घाटन कार्यक्रममा प्यावसकका अध्यक्ष गेन्द्र लामा , बुढानिलकण्ठ नगर कार्यपालिका सदस्य शान्ता ढकाल , बिध्यालयका निर्देशक नवराज पौडेल, बिध्यालयका सह प्रधान अध्यापक निशान पुडासैनी लगायत अतिथि रहेका थिए ।
बिध्यालय संचालक समितीका अध्यक्ष खेम मिश्रको अध्यक्षतामा भएको कार्यक्रममा बिध्यार्थीहरुले नृत्य तथा अन्य रचनात्मक प्रस्तुति दिएका थिए ।
बिध्यालयका प्रधानाध्यापक मुरारी चालिसेले कार्यक्रमका अतिथिहरुलाइ स्वागत गर्दै खेलकुद सप्ताहमा राखिएका गतिविधि र खेलहरुका वारेमा जानकारी गराएका थिए ।
उक्त खेलकुद सप्ताहमा फुटवल ,भलिवल ,क्रिकेट ,चेस ,रिले दौड,टेवल टेनिस लगायतका खेलहरुमा विद्यार्थी विच प्रतिस्पर्धा हुने विद्यालयका सहायक प्रधानाध्यापक निशान पुडासैनीले जानकारी दिए ।
उद्घाटन कार्यक्रममा बोल्दै प्रमुख अतिथि पराजुलीले अवको शिक्षा कक्षा कोठा बाहिर हुनुपर्ने बताउदै यस्ता गतिविधिले विद्यार्थीको समग्र विकाशमा सहयोग पुर्याउने धारणा राखेका थिए ।
त्यस्तै कार्यक्रमको समापन गर्दै अध्यक्ष खेम मिश्रले स्थापनाकालको छोटो अवधिमा नै विद्यालयको प्रगतिमा साथ दिने सबैलाई धन्यवाद दिदै आगामी दिनमा विद्यार्थी केन्द्रित कार्यक्रम संचालन गर्दै जाने बताएका थिए ।
