थानकोट त्रिभुवन पार्क हाता भित्र रहेको त्रिभुवनको शालिक अनावरण कार्यक्रम सम्पन्न
कपनअनलाइन
काठमाडौं,कार्तिक २६ ।चन्द्रागिरी नगरपालिका वडा नं- ४ स्थित थानकोट त्रिभुवन पार्क हाता भित्र रहेको त्रिभुवनको शालिक अनावरण कार्यक्रम सम्पन्न भएको छ।
२०७२ सालको बैशाख १२ गतेको बिनाशकारी महाभूकम्पले क्षतिग्रस्त बनाएको उक्त शालिकलाई जिर्णोद्धार गरी पुनर्स्थापना गरिएको हो ।
शालिक जिर्णोद्धार तथा संरक्षण उपभोक्ता समितिका अध्यक्ष बिष्णु प्रसाद श्रेष्ठको सभाध्यक्षतामा तथा नगर प्रमुख घनश्याम गिरीको प्रमुख आतिथ्यतामा सो कार्यक्रम सम्पन्न भएको हो।
प्रमुख अतिथि नगर प्रमुख घनश्याम गिरीले जिर्णोद्धार शालिक अनावरण गरिएको उक्त कार्यक्रममा
चन्द्रागिरी नगरपालिकाका प्रवक्ता हरिभक्त महर्जन , १ नं वडाका वडाध्यक्ष राजेन्द्र के.सी.,४ नं वडाध्यक्ष कृष्ण प्रसाद खड्गी लगायतका अन्य वडाध्यक्षहरू लगायत स्थानीयहरूको उपस्थिति रहेको थियो।
तपाइँको प्रतिक्रिया ।
