नेपाली कांग्रेस बुढानिलकण्ठ १३ले गगन थापालाई बधाई दियो

कपन अनलाइन

काठमाडौ,पौष २२ ।

बुढानिलकण्ठ नगरपालिका वडा नं १३मा आज नेपाली कांग्रेस बुढानिलकण्ठ नगरपालिका वडा नं १३ इकाई ले आयोजनामा काठमाडौँ निर्वाचन क्षेत्र नं ४ , प्रतिनिधि सभा र प्रदेशसभा बाट प्रत्यक्ष र समानुपातिकमा निर्वाचित भएका सांसदहरुलाई बधाई र शुभकामना आदानप्रदान एबम मतदाताहरुलाई धन्यबाद कार्यक्रम सम्पन्न भएको छ ।

बुढानिलकण्ठ नगरपालिका वडा नं १३ चुनिखेलमा रहेको सार पार्टी प्यालेसमा भएको उक्त कार्यक्रममा प्रतिनिधि सभामा निर्वाचित भएका सांसद गगन कुमार थापा ,प्रदेस सभा सदस्य राधा घले र न्युछे नारायण श्रेष्ठ लाई  बधाई एबम शुभकामना तथा  मतदाताहरुलाई धन्यबाद दिइएको  थियो ।

सोहि कार्यक्रममा बोल्दै  काठमाडौँ निर्वाचन क्षेत्र नं ४ प्रतिनिधि सभा सदस्य गगन कुमार थापाले  मतदाताहरुलाई धन्यबाद दिंदै आफुलाई बिश्वास गरेर यो पद सम्म ल्याई पुर्याउन सहयोग गर्ने सम्पूर्ण  क्षेत्र नं ४ का मतदाताहरु नै भएको बताए।

साथै उनले मतदाताले निर्वाचनमा देखाएको उत्साह र सहयोग महत्वपूर्ण रहेको भन्दै आगामी दिनमा जनचासो र विकासका मुद्दामा केन्द्रित भएर आफु लाग्ने बताएका थिए ।

सोहि कार्यक्रममा समानुपातिक तर्फ बाट संसद बनेका न्युछे नारायण श्रेष्ठले सम्पूर्ण स्थानीय मत दाताहरुको माया र बिस्वासलाई  कायम गर्दै विकास निर्माणमा लाग्ने बताएका थिए। साथै विकास निर्माणको काममा  सबैको साथ् र सहयोग आवश्यक रहेको बताएका थिए।

उक्त कार्यक्रमा अर्का समानुपातिक सांसद राधा घलेले मतदाताहरुलाई धन्यबाद दिंदै महिलाहरु हक हितका साथै बिकासको काममा लाग्ने बताएकी थिइन् ।