जगडोल रेसिडेन्ट ग्रुपको चियापान कार्यक्रम सम्पन्न
कपन अनलाइन
काठमाडौ,पौष २२ ।
बुढानिलकण्ठ नगरपालिका वडा नं ११ मा रहेको जगडोल रेसिडेन्ट ग्रुपले जगडोल कृष्ण मन्दिरमा चियापान तथा भेटघाट कार्यक्रम सम्पन्न गरेको छ।
उक्त कार्यक्रममा प्रमुख अतिथि गोकर्णेश्वर नगरपालिका वडा नं ३ का वडा अध्यक्ष राजेद्र भण्डारी रहेका थिए भने सोहि वडाका वडा सदस्य लक्ष्मी भण्डारी ,जगडोल रेसिडेन्ट ग्रुप का पदाधिकारीहरु लगायत ,स्थानीयहरुको उपस्थिति रहेको थियो कार्यक्रमको सभाध्यक्ष जगडोल रेसिडेन्ट ग्रुपका अध्यक्ष राजेश पौडेल रहेका थिए भने कार्यक्रम राजन श्रेष्ठले संचालन गरेका थिए ।
जगडोल दुइ वटा नगरपालिका गोकर्णेश्वर वडा नं ३ र बुढानिलकण्ठ नगरपलिका वडा नं ११ र १३ को सिमानामा रहेको हुनाले विकासको गतिबिधिमा दुवै वटा नगरपालिका संग सहकार्य गर्नको लागि उक्त छलफल ,भेट घाट कार्यक्रमको आयोजना गरिएको थियो ।
कार्यक्रममा बोल्दै प्रमुख अतिथि गोकर्णेश्वर नगरपालिका वडा नं ३ का वडा अध्यक्ष राजेद्र भण्डारीले आगामी बजेट तथा अन्य कार्यक्रममा जगडोल रेसिडेन्ट ग्रुपलाई प्राथमिकतामा राखी सहयोग तथा सहकार्य गर्ने प्रतिबद्दता ब्यक्त गरेका थिए। उनले यो परी फेरीमा जगडोल रेसिडेन्ट ग्रुप नमुना भएको भन्दै प्रसंशा गरेका थिए । सकारात्मक बिकासको काममा आफ्नो तर्फ बाट सधै सकारात्मक सहयोग रहने बताएका थिए ।
