कपन अनलाइनको संस्थापकलाई सम्मान सहित नयाँ व्यवस्थापन घोषणा

कपन अनलाइन

काठमाडौ.साउन १४।

कपन अनलाइन डट कमको व्यवस्थापन परिवर्तन भएको छ । आज एक कार्यक्रमको आयोजना गरी संस्थापक सदस्यहरुलाई सम्मान सहित नयाँ  व्यवस्थापनको परिचय गरिएको थियो।

कार्यक्रममा कपन अनलाइनका संस्थापकहरु आशिष गुरागाईं ,केशवराज पाठक ,केशव गुरुङ र नवराज भट्टराईलाई कपन अनलाइन डट कम सम्मान प्रदान गरिएको थियो ।

क्षेत्र नं ४ का सांसद डा. राजन भट्टराईको प्रमुख आतिथ्यता र बुढानिलकण्ठ नगरपालिकाका प्रमुख उद्दव खरेलको विशेष आतिथ्यतामा भएको कार्यक्रममा “युवा संवाद कार्यक्रम”को सुभारम्भ पनि गरिएको थियो ।युवा संवाद कार्यक्रम अन्तर्गत नगरपालिकाका सबै वडाहरुमा युवाका माग र मुद्दा को वारेमा सार्वजनिक बहस गरिनेछ।

कपन अनलाइन मिडिया प्रालीको अध्यक्षमा आशिष श्रेष्ठ:

कपन अनलाइन मिडिया प्रालीको अध्यक्षमा आशिष श्रेष्ठ आएका छन ।कपन अनलाइन मिडिया प्रालीका अध्यक्ष श्रेष्ठ लामो समय देखि मनोरंजन र समाज सेवाको क्षेत्रमा कृयाशील व्यक्ति हुन्। काठमाण्डौ महानगरपालिका वडानं ७ का स्थायी वासिन्दा श्रेष्ठ स्थानीय  सामाजिक संघ संस्था र शैक्षिक संस्थामा कृयाशील छन ।