स्थानीय निकायका कार्यालयमा तालाबन्दी

कपन अनलाइन 

लहान, ४ चैत । स्थानीय तहको नयाँ संरचनाप्रति विरोध जनाउँदै संयुक्त लोकतान्त्रिक मधेसी मोर्चाले आज सिरहाको तीनवटा स्थानीय निकायका कार्यालयमा तालाबन्दी गरेका छन् ।

सरकारले घोषणा गरेको स्थानीय तहको निर्वाचनमा कुनै किसिमको सहयोग नगर्ने रणनीतिस्वरुप आज लहान नगरपालिका, गोलबजार नगरपालिका र लक्ष्मीपुर पतारी गाउँपालिकाको कार्यालयमा तालाबन्दी गरेको मोर्चाका नेता तथा नेपाल सद्भावना पार्टीका सहमहासचिव राजकुमार गुप्ताले जानकारी दिनुभयो ।

यसैगरी मोर्चाका कार्यकर्ताले लक्ष्मीपुर पतारी गाउँपालिका लेखिएको बोर्डसमेत तोडफोड गरेका छन्

ट््याक्टरबाट लडेर चालककको मृत्यु

त्यसैगरी सिराहको भेडिया– १ स्थित सडक खण्डमा ट््याक्टरबाट लडेर गएराति चालकको मृत्यु भएको छ ।

भडवा खोलाबाट बालुवा बोकेर भेडियातर्फ गइरहेको स १ त ३२०१ नम्बरको ट््याक्टरको ब्रेक लगाउने क्रममा अचानक ट््याक्टरबाट लडेर स्थानीय रुपेश यादवको मृत्यु भएको प्रहरी चौकी भेडियाले जनाएको छ ।

ट््याक्टरबाट लडेर गम्भीर घाइते यादवलाई उपचारका लागि विराटनगर लैजाने क्रममा बाटोमै मृत्यु भएको प्रहरीले जनाएको छ । रासस