बुढानिलकण्ठमा पुस १४.१६ र १७ मा रास्ट्रपति रनिङ्ग शिल्ड,माघमा तेश्रो वृति मेला

कपन अनलाइन
काठमाडौं, पुस ६।

बुढानिलकण्ठ नगरपालिकामा यहि पुस १४ ,१६ र १७ गते रास्ट्रपति रनिङ्ग शिल्ड प्रतियोगिता हुने भएको छ। नगरपालिकाको युवा ,खेलकुद तथा शिक्षा महाशाखाले विद्यालयका प्रधानाध्यापकहरुको भेला आयोजना गरेर सो का वारेमा जानकारी दिएको हो।

नगरपालिकाको वडा नं ३ मा रहेको बुढानिलकण्ठ स्कुलमा आयोजना हुने सो प्रतियोगितामा विभिन्न खेलहरु समावेस रहेका छन भने विभिन्न सामुदायिक तथा संस्थागत विद्यालयहरुले सहभागिता जनाउने छन।

बुढानिलकण्ठ नगरपालिकाका प्रमुख मिठाराम अधिकारी ,उपप्रमुख अनिता लामा ,नगर कार्यपालिका सदस्य रिता दाहाल लगायतको उपस्थितिमा भएको भेलामा युवा खेलकुद तथा शिक्षा महाशाखा प्रमुख ललित विक्रम सिंहले कार्यक्रममाथि प्रकाश पारेका थिए।

नगर कार्यपालिका सदस्य तथा सामाजिक विकास समिति संयोजक शान्ता ढकाल पुडासैनीको अध्यक्षतामा भएको सो भेलामा यही माघ ११ र १२ गते तेश्रो वृति मेला आयोजना गरिने जानकारी दिइएको थियो।