बुढानिलकण्ठ- १ मा नेकपा एमालेको कार्यालय उदघाटन तथा पार्टी प्रवेस

कपन अनलाइन
काठमाण्डौ ,फागुन ३०।

नेकपा एमाले बुढानिलकण्ठ नगरपालिका वडा नं १ को कार्यालय उदघाटन गरिएको छ।

नेकपा एमालेका स्थायी कमिटी सदस्य तथा विदेस विभाग प्रमुख डा. राजन भट्टराईको प्रमुख आतिथ्यतामा भएको सो कार्यक्रममा राप्रपा नेता बम बहादुर लामाको नेतृत्वमा उर्गेन लामा, सन्त बिर लामा, जेठा लामा र क्याप्सन लामा, स्वतन्त्रबाट राम कुमार खड्का , नेपाली काङ्ग्रेसबाट मिना लामा र शान्ति श्रेष्ठले नेकपा एमालेमा प्रवेस गरेका थिए।

नेकपा एमाले काठमाण्डौ क्षेत्र नं ४ का संयोजक विदुर विक्रम खड्का , जिल्ला कमिटी सदस्य तथा वडा इन्चार्ज सरिता निरौला ,वडा नं १ का अध्यक्ष सुरेन्द्र लामा लगायतको उपस्थितिमा भएको सो कार्यक्रममा नेकपा एमाले प्रवेस गरेका बम बहादुर लामा राप्रपाको पुराना  नेता हुन् भने  उर्गेन् लामा गाउँका मुख्य लामा पुरेत हुन्।