साम्तेन मेमोरियल मावी बुढानिलकण्ठ -११ को छात्रवृत्ति वितरण तथा खेलकुद सप्ताह सम्पन्न
कपन अनलाइन
काठमाण्डौ ,चैत्र १ ।
साम्तेन मेमोरियल मावी बुढानिलकण्ठ -११ को छात्रवृत्ति तथा पुरस्कार वितरण र खेलकुद सप्ताह सम्पन्न भएको छ।
नेकपा एमालेका स्थायी कमिटी सदस्य डा. राजन भट्टराईको प्रमुख आतिथ्यतामा भएको सो समारोहमा ११ जना विद्यार्थीलाई छात्रवृत्ति वितरण गरिएको थियो।
वडा नं ११ का अध्यक्ष राजु अधिकारी, नेसनल प्याव्सनका सचिव विष्णु पराजुली, विजय खरेल, नगर शिक्षा प्रमुख. ललित विष्ट हिमालयन रिजन वेलफेयर फाउन्डेसन, नेपालका पदाधिकारीहर, शिव श्रेष्ठ, टिकटकर जेभिन श्रेष्ठ, जेभिस श्रेष्ठ, आयुषी ढकाल, टासी टिभीका वाङ्दे शेर्पा, एबिसी टिभी, कपन अनलाइन, कलाकार नमस्ते दिवाकर घिमिरे लगायत अतिथि रहेको कार्यक्रममा पुरस्कार समेत वितरण गरिएको थियो।
सो अवसरमा भएको बाल नृत्य प्रतियाेगितामा प्रथम कक्षा २ (क), द्वितीय कक्षा ३(क) र तृतीय कक्षा ३(ख) भएका थिए भने कुकिङ् कन्टेस्टमा प्रथम लालीगुराँस सदन, द्वितीय सिम्रिक सदन तृतीय निशाना छाप सदन- र सान्त्वना डाँफे सदनले प्राप्त गरेका थिए।त्यस्तै सो सप्ताहमा तासी फिन्जाे शेर्पा उत्कृष्ट खेलाडीर मनाेज कट्वाल स्मार्ट खेलाडी घोषित भएका थिए।
सबै विजेता खेलाडीलाई मेडल ट्रफि तथा सर्टिफिकेट प्रदान गर्दै प्रमुख अतिथि डा.राजन भट्टराईले अबकाे शिक्षामा रुपान्तरण हुनुपर्छ, त्यसका लागि आफू पनि लागिरहेकाे साम्तेनकाे प्रयासकाे प्रशंसा गरेका थिए।
त्यस्तै वडा अध्यक्ष राजु अधिकारीले साम्तेन स्कुलले +२ काे प्रक्रिया गरेकाे र साम्तेनलाई कक्षा ११/१२ दिलाएरै छाेड्ने उद्घाेष गरेका थिए ।
