मेरो आँखामा मेरो देश: प्रकाश अधिकारी (कविता )
कपन अनलाइन
काठमाण्डौ ,माघ ११।
काठमाडौँ सहरका रहरहरू
तालु खुइलिएका
चिल्ला भित्ताहरूमा
बेहिसाब उभ्भिएका छन्
भरियाले भारी बिसाएर
खुइय सुस्केरा हाले जस्तो
लखतरान थाकेको
चिन्ता ग्रस्त प्रकृति
लुछिएको जस्तो , ताछिएको जस्तो
उराठ लाग्ने डाँडाहरू
मान्छे टाँसिएका भित्ताहरू
काठमाडौँको चेहेरा
समृद्धिको बाटोमा
एक खुड्किलो उक्लिएको छ
त्यही भ्रमको
खुसियाली मनाउँछ
स्थाननीय सरकार
मेरो आँखामा ।
त्यही बेला
यात्रामा निस्किएको म
अनि
मेरो अनुभूति
पूर्वी नेपालमा ठोक्किन्छ
बुधबारे ,बर्ने ,सुन्माई र सिङ्गो इलाम
मेरो आँखा अघि
कृषिको उपद्रो गरिरहेछ
आनन्दको चरम उत्कर्समा
सुपारी
चिया,अम्लिसो , अलैची,
अकबरे ,अोलन र अदुवा
सम्झिएर
हरिया डाँडाहरू
गौरबले मन ढक्क फुल्छ
यस्तै विकास
सिङ्गो देश हुन्थ्यो भने
परनिर्भरको पाटै हराउँथ्यो
दलाल मानसिकता
भ्रष्टचारको चुरो मरेर जान्थ्यो भने
समृद्धी हामी भित्रै हुन्थ्यो
र
उस्तै रहर लाग्दो हुन्थ्यो
मेरो देश
मेरो आँखामा ।
तपाइँको प्रतिक्रिया ।
