टोखा नगरपालिका वडा नं  ११ मा रक्तदान कार्यक्रम सम्पन्न

कपन अनलाइन

काठमाडौँ, असोज १ /दीपशीखा दाहाल

टोखा नगरपालिका वडा नं  ११ मा रक्तदान कार्यक्रम सम्पन्न भएको छ। गोरखकाली बहुउद्देश्य सहकारी संस्थाको प्रारम्भिक साधारणसभा र कार्य शुभारम्भको अवसरमा सो संस्था र लाईन्स क्लव अफ काठमाण्डु रेसुङ्गाको संयुक्त आयोजनामा बिहान १० बजेदेखि भएको  रक्तदान कार्यक्रममा विभिन्न क्षेत्रका व्यक्तिहरुले रक्तदान गरेका थिए।

टोखा नगरपालिकाका प्रमुख प्रकाश अधिकारी, उपप्रमुख ज्ञानमाया डंगोल लगायतको उपस्थितिमा नेपाल  रेडक्रस सोसाइटीको सहयोगमा सम्पन्न भएको उक्त रक्तदान कार्यक्रममा सहभागीहरुलाई प्रमाणपत्र पनि वितरण गरिएको थियो।

कोरोनाको  महामारीमा रक्तदान जस्तो कार्यक्रम गर्न सहयोग गर्ने सबैलाई धन्यवाद दिदै आयोजक संस्थाले आगामी दिनमा पनि यस्तै कार्यक्रम गर्ने जानकारी दिएको छ ।