आडिया ईन्टरनेशनलको अन्तरास्ट्रिय अध्यक्षमा शिक्षासेवी अमर तिमल्सिना
कपन अनलाइन
काठमाडौं ,असार ६।
शिक्षासेवी अमर तिमल्सिना आडिया ईन्टरनेशनलको अन्तरास्ट्रिय अध्यक्षमा चयन भएका छन। विगत दुई दशक भन्दा बढी समयदेखि अमरदीप मावी संचालन गर्दै आएका तिमल्सिनालाई जुन १७ तारिका दिन बसेको आडिया ईन्टरनेशनलको बैठकले अन्तरास्ट्रिय अध्यक्ष चयन गरेको थियो।
काभ्रेपलान्चोक जिल्लको खानीकोला गाउँपालिका वडा नं ५ तालढुङगामा वि.स २०३४ असोज १० गते जन्मिएका तिमल्सिना हाल निजि विद्यालयको छाता संगठन नेशनल प्याब्सनको केन्द्रिय सदस्य रहेका छन।
लामो समयदेखि कुष्ठ प्रभावित ब्यक्तिहरुको हक, हित, अधिकार र सह अस्तित्वको लागि आवाज बुलन गर्न आडिया नेपालको केन्द्रिय समितिका विभिन्न पदमा रहि हाल केन्द्रिय अध्यक्ष रहेका राष्ट्रिय उनले कुष्ठ रोग सम्बन्धि जनचेतना जगाउने खालको “सन लिट माउन्टेन” पुस्तक प्रकाशित गरेका छन भने अर्को पुस्तक “रिट्रनिङ द लस्ट स्माइल्स” पुस्तक लण्डनबाट प्रकाशित हुने तयारीमा रहेको छ।
तपाइँको प्रतिक्रिया ।
